Stock Na Cawk tik ah Zoh hmasa ding pawl pa2nak

Stock Trading - stock cawk tik le zuar tik ah zoh hmasa ding pawl ah pakhatnak zoh hmasa

ding a herhmi kha naite ah ka tial cang i a dang a biapi ngai in zoh a herhmi pahnihnak cu -

Stock na cawk tik ah na cawk hnga ding stock/share hi aman (price) zeidah a lawh a sang maw a niam maw a za maw hmailei ah a kai lai maw tiin na theih hmasa a hau. Cucu P/E ratio in theih khawh a si. Kampani pakhat i stock man a niam maw, a sang maw, amannak in a niam deuh in an hauh maw, amannak in a sang deuh in an hauh maw ti zong theih khawh a si bantuk in industry aa khat mi zong P/E 10, P/E 20 tibantuk in theih khawh a si pin ah Exchange-Traded Fund (ETF) stocks pawl zong hi P/E in stock man hi a za maw a sang tuk maw, a niam maw ti hi theih khawh a si i hmailei ah a kai lai maw ti zong theih khawh a si. 

 

P/E a tuakning kan zoh ahcun P/E formula cu

P/E = market value per share /earnings per share in phawt (divide) tuah kha a si

Tahchunhnak ah

Walmart Inc. (WMT) hi kan zohchunh ahcun 

Walmart Company i nihin September 25, 2021 ah share price- share pakhat aman ah $114.27.2 a si. August 30, 2021 nih ah Company nih earnings per share timi share pakhat i a miak (return) kha $4.75 a si ahcun 

Cucaah P/E ratio cu $114.27 / $4.75 = $ 24.06. hi a si. Cucaah a cawtu nih dollar 24 man a cawk ah (invest) a tuah ah $1 lengmang a miak ti nak a si. 

 

Bank of America Corporation (BAC) hi 2021 caah kan zoh ahcun

Stock Price = $30.3,  Diluted EPS = $1.87, P/E = ($30.31 / $1.87), P/E =16.21

 

Bank of America's P/E he tahchunh ding in JPMorgan Chase & Co. (JPM) P/E i 2020 kum kan zoh ahcun 

 

Stock Price = $127.07, Diluted EPS = $8.88, P/E = 14.31 a si caah hi pahnih ah BOA kan ti tawnmi BAC i P/E hi JPMorgan Chase nak in a sang deuh caah a cawtu paohpaoh nih BAC hi hmailei ah a miak a tam deuh a chuahpi khawh lai tiah zumh a si. 

 

Company nih amiak – hlawh a hmuh lo ahcun asiloah a sungh ahcun P/E kha N/A tiah an tial lai. Stock a zuarmi Kampani nih an income statement pawl hi aho paoh zoh khawh ding in tar cio a si. N/A tiah a tial ahcun a sung maw, minus a si caah maw, IPO a thar a si caah maw, an earning an tuak rih lo caah maw a si kho thiamthiam. 

 

I palh sual a fawi ngaimi cu P/E le E/P ratio hi a si. P/E vs Earning Yield timi share pakhat nih amiak zatek zeizah a chuahpi timi tuak kha a si i P/E he aa lettalem i EPS kha stock price in phawt (divide) tuah kha a si. 

 

Tachunhnak ah Stock A i share aman hi $10, cu share i a luan ciami caan ah EPS kha 50 cents ahcunP/E cu 20 ($10 / 50 cents), Cun earnings yield E/P cu 5% (50 cents / $10). Cu ve bang Stock B amanhi $20 asilio ah EPS hi $2 asi ahcun P/E =10 ($20 / $2) and an earnings yield timi E/P cu 10% = ($2 / $20).

 

Hihi kan zoh ahcun 

Stock A hi P/E ahcun 20 asinain E/P ah 5% lawng a si.

Stock B hi P/E ahcun 10 asinain E/P ah 10% a si.

E/P timi earnings yield hi P/E ratio bantuk in stock aman khiahnak ah an hman tluk in E/P hi cu an hman lem lo nain share pakhat nih zeizah % dah a chuahpi khawh lai ti tuaknak ahcun an hman ngai ve. P/E cu share aman a tam maw a tlawm maw ti le hmailei ah P/E a sang mi cu amiak hmuhnak chance a tam deuh ti kha theih a si. 

 

Micheukhat nih P/E ratio a niam deah caah cawk deuh ding tiah an ruah men lai, Tachunhnak ah BOA (BAC) hi 16 a si i fang 16 man na cawk paoh ah fang khat na miak tinak a si i JP hi cu fang 14 ah fangkhat lengmang ka miak tiah na ruah men lai nain a rak si lo. Hi kampani hi na zuar tikah BAC hi atulio kumfa amiak- annual earnings nak in atulio market value ah a let 16 in na zuar khawh tinak tu a si. 

Stock cawk tik ah zoh ding thil a tampi nain P/E zoh hi a herh bakmi a si.