Sui Hingz Business Talk

  Dohthlennak Kan Lamthluan Thaal vialte ah a linh bik kum Fur vialte ah ruah a ih bik kum Khuasik vialte ah a kih bik kum Van arfi an tlak kum Van vate an ttah kum Sungno Nule an ttah kum Thihlonak a tam kum Parkhat hnu parkhat an ziam kum Hnahhlun tilh kum Hnahthar corh caan tiang Kutdong pathum thlir in Dohthlennak kan lamthluan ah Kan doh lai hramhram uknak Kan theh lai ralhrang ralhruang hmun Kan bauh lai ralhrang khuapi kutka Kan hrawh lai ralhrang uknak Ralhrang tihphanmi dohthlennak Phungchung mino chuahchan Dohthlennak kan lamthluan ah Zalonnak thlam a leng Daihnak mitthlam a cuang Nuamhnak awtleng a thang Nunnak thaptu seino hna Thisen aa kamtu paraltha hna Phuntungtu hna authawng he Muko thumthawng hngah in Zeitik hmanh khir than ti a um lomi Dohthlennak kan lamthluan ah Ramkulh Nawlngeihnak kan ser lai Zauk Khuakhannak phung kan dirh lai Ram hla nuam in kan sa lai Zalonnak ram kan don lai Thinlung ral kan doh lai Khat le khat kan i bawmh lai Thinkhat lungkhat sinak he M...

 25 September 2021 Bitcoin kong hmuhning le Nihin US Stock A Kalning China cozah nih Bitcoin hi upadi he aa ralkah (illegal) a si tiah a thanh hnu cun Bitcoin hi a man a tla i cu ah Coinbase i an share man zong a tlakpi chap pinah cryptocurrencies man pawl zong a tlakpi pah dih hna. Bitcoin hi nizaan aman a sang bik ah nazi 24 chung ah $45,120 a si i a niam bik ah $40,470 tiang a vun tum nain aman an phihnak cu $42,123 in nizan kha an phihnak rate a si caah 3.81% bak a tum tinak a si. 2008 kum in theihternak an rak tuahmi Bitcoin hi ram tampi cu an lau ngai i hi Bitcoin in gambling timi betting tuah in lente i celhnak ah an hman sual lai, cun sualnak a chuahpi lai tiah an phan. Ram cheukhat nih thinphan ngai in le lau ngai in an zoh len nain US cozah zong siseh vawlei ram tampi cozah nih upadi he aa ralkah caah ti in an cohlan cio lo. Aruang tamipi a um i Cozah nih capital timi tangka hrampi hi an control kho lai lo tiah an phan pin ah mipi nih cozah uknak tha a zorter khawh ti a s...

Stock Na Cawk tik ah Zoh hmasa ding pawl pa2nak Stock Trading - stock cawk tik le zuar tik ah zoh hmasa ding pawl ah pakhatnak zoh hmasa ding a herhmi kha naite ah ka tial cang i a dang a biapi ngai in zoh a herhmi pahnihnak cu - Stock na cawk tik ah na cawk hnga ding stock/share hi aman (price) zeidah a lawh a sang maw a niam maw a za maw hmailei ah a kai lai maw tiin na theih hmasa a hau. Cucu P/E ratio in theih khawh a si. Kampani pakhat i stock man a niam maw, a sang maw, amannak in a niam deuh in an hauh maw, amannak in a sang deuh in an hauh maw ti zong theih khawh a si bantuk in industry aa khat mi zong P/E 10, P/E 20 tibantuk in theih khawh a si pin ah Exchange-Traded Fund (ETF) stocks pawl zong hi P/E in stock man hi a za maw a sang tuk maw, a niam maw ti hi theih khawh a si i hmailei ah a kai lai maw ti zong theih khawh a si.    P/E a tuakning kan zoh ahcun P/E formula cu P/E = market value per share /earnings per share in phawt (divide) tuah kha a si Tahchunhnak ah ...

  Nihin US stock dirhmun 23 September 2021   US Stock market hi duhsahte in kai lei a panh i Federal Reserve nih monetary policies umtuning le dirhmun pawl a remh pah mi nih mipi sin ah zumhnak a karhter chinchin.  Cu policies thawng a thanh in The Dow index hi points 400 a kai asiloah 1%, S&P 500 zong 1% cun Nasdaq zong a kai lei a panh.    Federal Open Market Committee (FOMC) le MP pawl policymaker’s pawl an i tonnak i COVID-19 pandemic caah i economy recover plan kha tuan ah cancel khawhnak thazaang ngeih dawh an si lo. Cucaah a hmun rih lai tinak a si. Sipuazi a kai rih ko lai, stimulus a thawng chinchin lai.    Stock man kai lawng si lo in tangka lei institute pawl le kampani ngan pipi zong an riantuan a kai chinchin. Energy company pawl stock man zong a kai cun zinaan (oil) man zong a kai i kumthum chung ah a niambik man in duhsah a kai a vun i thawk hi a si.  Technology company pawl tam deuh i an stock hi a kai nain Facebook hi Apple co...

  Nihin Kawlram Sipuazi Thawng 23 September 2021   *Kawlram ah cozah sin ah nihin ni tiang Kampani register a tuahmi chung ah tukum chung ah Kampani 600 cu DICA (Directorate of Investment and Company Adminsitration) nih an register tuahmi a cancel a hrawh piak hna. Cu hna pawl cu zei cawlcaanghnak hman ngei lo mi le Form-E timi Annual Return timi AR kha online in a kuat lo tu pawl an si. Register tuah mi kampani paohpaoh hi kampani thawk in thlaruk chung ah siseh cun kum fatin AR hi DICA ah online in tin/kuat lengmang a hau. Cu a kua lomi pawl cu caan a rauh deuh tik penalty tampi pek a si i a caan kum khat a tling/luan ahcun an kampani kha hrawh piak a si.    *Atulio ralkap nih a tuahmi sipuazi ah Myanmar beer le Andaman gold le Blackshield pawl a chuahtu Myanmar Brewery le Mandalay brewery kampani upaing nih a tlaihmi hi kum khat ah an zuarmi 40% hrawng a tla i thla 8 chung ah 200  billion Kyat (USD  100 .3 million)  an sung i an dirhmu tih a nung ng...

  Nihin vawlei sipuazi dirhmun 21 September 2021   “Na tangka na ngandamnak” timi tlangtar in US ah biaruahnak an tuah i  vawlei cung pulrai zawtnak Pandemic nih a chuahpi mi sipuazi lei hma hi zeitin dah kan i thlop khawh lai timi biaruahnak ah char khawhmi tete pawl;   Pandemic nih a chuahpi mi sipuazi lei hma nih Thil a hran chuahnak in thilsernak in i kuat le i phawtzamnak i cawtu hmantu sin tiang a phak khawh dingmi riantuannak (supply chains) timi pi hi hnahnawhnak ngan taktak a chuak pi,  cun zumhnak a zorter, cun a dongcat lomi leiba nih tumchuklei in negative impact in thil a cangter.    Sihmanhsehlaw, techonology a thar an kawl an hmuhmi (innovation) le riantuanning pawl an vun i thlen thluahmah mi hi positives a chuahtertu tawh (key) pawl an si.    Tulio vawlei i tih a nung bikmi Covid Delta rungrul hi kan tei khawh hnu ahcun ruahchannak tampi a chuak than lai.    Hi pulrai nih nifa hma a chuahter i a karhter, cu hma...

  Ka Dai Lai Lo, Dai Naisai Hlah! Chokhlei parnak kan fing le tlang Fiakfairok awnhnak kan tlangsang Kikong tlonlennak kan thupi Vaurawng parnak kan Lailungrawn Seino nuamhnak kan dingdi tlang Kan ram kan i uk tiang Ka dai lai lo vawlei dongh tiang Kan lungput i rual seh Kan kuttlaih fek seh Kan dirhmun fek seh Kan ram ah tihphannak a dongh tiang Kan rian a si, maw vaurawng seino Ka dai lai lo vawlei dongh tiang Kan zumhnak fek seh Kan lung i rual seh, Kan ral chia hlah seh Kan thiseng dai hlah seh Kan semnak ram ah zalonnak a um tiang Ka dai lai lo vawlei dongh tiang Tuanbia tialtu Laimi, raltha miphun Ral a tei pengtu, zumh awk tlak miphun Zumh awktlak si awk ah nunnak thap in Kan ram ah nuhrin covo kan hmuh tiang Nautatnak le thleidannak a dih dongh tiang Kan rian a si, pa raltha nu raltha maw laikhal Ka dai lai lo vawlei dongh tiang Thi in tialmi Dohthlennak Hla rih hmanh seh, kan thiseng a daih hlan Kammi thiseng he phungding caah Bawh lenmi kan thir rangleng he pok in, Tinhmi...

  Nifa ngandamnak caah a thami eidin pawl… Japan NHK TV ah sibawipa kha ziah Japan meh poahpoah ah vinegar hi aa tel tiah bia an hal. An holh cun Osu asiloah su a si. Japan pawl nih white Vinegar timi a thormi hang, Kawl nih (ရှလကာရည် ) timi hi rawlchuan tik ah lakpak keu fate khat lengmang hi mehchuan tik ah an hman zungzal i thi chung i thau (cholesterol) kha a tumter caah Thaunak a zorter, cun thithlum le insulin kha a tlawmter, cholesterol kha thichung ah a dangte in a then i a hlonh, cun cuar caah a tha ti a si. Tamtuk hman lo tu hi a biapi. Rualchuannak ah hmanmi white Vinegar hi acetic acid (phosphate) hi 4-7% aa tel i grains in chuahmi a si cun tithiang hi 93-96% aa tel. Rawlchunnak le cinthlaknak le thiamhlimhnak ah phunthum in a um i rawlchuanak i hmanmi kha aza tawk in nifa hman lengmang khawh a si. Cun, piat nih thithum a zorter caah piat (onion), khachuan, aihre le thing makphek (pepper) pawl hi nifa a za tawk ei ah damnak le nun khuasaunak a chuahpi ti a si. Aithing (...

  Semnak kan khua - Maw Thantlang Ngaihchiahnak a um ah nuamhnak a um te lai Fahnak a um ah damnak a um te lai Tilet a tum ah tilet a kai caan a um te lai Ttamnak a um ah khimnak a um te lai Muihnak a um ah ceunak a um te lai Thihnak a um ah nunnak a um te lai Sunghnak um ah teinak a um te lai Dawtnak, huatnak, lungfahnak Tlamtlinlonak, nautatnak le ningzahternak Zomhtaihmi nun horkuang phak bang Zatlaknak, inntuarnak, ngaihthiamnak Fahnak le harnak tam hmanh seh law Mitthli ha in pasalpi um hmanh ning law Pasal ka tlahtem le ka biakam fek in hmun seh Karkhat hnu karkhat hmai fon ding zong Kan kekar thazaang a zor, lungfahnak a karh Maw Bawipa nangmah lo cun Rawhralnak le dihlonak kar ah Lungfahnak he Bawipa nangmah lawng kan dornak Zaan a mui bang chun ah kan lung a mui Kan zaangfah ko sawh kan Bawipa Kan tian riangmang ko lai maw, maw semnak kan khua Kan lung a fak ee, Bawipa chiti na thuhmi Lai an kan nawn, kan phung an buar An kan tuahto cu fah cu Bawipa nih chiti a thuhmi Sual...

Motivation Theory 5- Equity Theory &  McClelland’s Need Theory : Equity Theory: J. S. Adams  nih 1965 ah America ah a rak sermi theory cu Equity theory ti a si. Riantuantu pawl i an lungthawhnak ah tlukrawnnak, i khatnak hi a rak dir pi. Pumpak nih rian kan tuan cio caah kan tuan bantuk in kan hmuh ve a hau timi hi a rak dir pi. Minung cu tuan bantuk in hmuh ve ding, tuh bang zuun ding ti phun a rak si nain caan sau ahcun lungthawhnak a chuahter lem lo an ti caah an hman a tlawm.      McClelland’s Need Theory : Minung herhbaunak nih lungthawhnak a chuahter tiah US ah  David C. McClelland  (1917-98) nih introduce a rak tuah ve. Murry nih a rak sermi needs pathum bantuk in Herh hrimhrim mi thil pathum ( three needs )  –  hlawhtlinnak ( achievement )  “n Ach”,  le  power  timi huham duhnak  “n Pow”  le affiliation  timi mi he i hawikomhnak  “n Aff”  tiin phun thum a rak chuahpi ve .  Hla...

Motivation -4  Urwick’s Theory Z Theory X le Y a chuah hnu ah theory a thiammi minung pathum nih Theory Z hi an vun ser ve.  Lyndall Fowner Urwick, Rangnekar  le  William G. Ouchi  nih theory Z hi an hun bet.  Cu theory ahcun  Pumpak paohpoah nih kampani le bu nih tinhmi hi thate in theih cio hnu ah cu tinhmi phak khawhnak ding ah thazaang chuah i zuam cio ding. Hihi kampani le bu hlawhtlinnak hmuhnak nih mah pumpak duhherhmi pawl (needs) pawl kha a tlingter khawh timi an theih cio a hau.   Japan professor pa Ouchi timi pa nih Japan le America i kampani pawl ah hi theory Z hi a hmanter hna. Cu kum 1980 hi Japan ah thilchuah thiamnak (productivity) a sang bik caan a si i America hi a tlak lio caan kha a si.  Cu professor pa a cauk ah American kampani pawl nih kumkhat chung ah Japan  pawl zuamcawhnak a phak khawh ve hna tiah a tial. Japan pawl an hlawhtlinnak (success) biathli cu hi technology seh lei thiamnak ruang ah si lo in m...

 Motivation -3 Theory X and Y  Theory of Douglas McGregor: timi hi minung riantuannak ah minung ziaza hi     Theory X le Theory Y ti in phun hnih in a then hna.   Hi Theory a serpa McGregor nih hin Manager paohpaoh nih minung hi zeinih dah an lung a thawhter hna ti hi anmah pumpak ruahnak cio an ngei. Cu anmah pumpak ruahnak in cun an uk hna an hruihruai hna a ti.    Theory X: cu mi thathu, a nun caah rian a tuan, rian hi a zuam lo, phaisa hmuhnak ca lawng ah rian a tuanmi phun tiah ruahmi kha X a pek. Rian tampi a hrialmi mithathu le tuanvo lak a duh lomi miphun an si.  Cu caah kampani ah maw bu ah hlawhtlinnak ding ah hi bantuk minung pawl hi a herhning in dantat (punish) pek le award-laksawng pek an hau caah hihi manager maw hotu nih hruihhruainak (supervision) ah an hman a hau a ti.    Theory Y: Minung nunnak ah riantuan a hau a ti mi le, tinhmi le biakamhrenhnak (commitment) zong a ngeimi  tiah ruahmi kha Y ti in a auh hna...

 Motivation -2 Hertzberg’s Two Factor Theory Tu bantuk in ram a buai lo le a daih lo lio ah mah kuttang i a tuanmi pawl kha thate in ukthiam (manage) thiam a hau i an lungthawhnak zeitin dah kan pek khawh hna lai i zeitindah an ziaza hi zeitin dah tlawmte tel kan remh khawh hna lai ti hi a biapi ngai.  Nizaan ah tialmi Maslow needs ahcun takpum herhmi hi a hrampi in a tling hmasa a hau i cucu a tling lo ahcun mi va bawmh khawh le zatlang nun ah cawlcangh khawh a si lo tiah a ti. Researchers tampi nih  Maslow’s theory  hi chanbaunak a tampi a um tiah an ti.  A Popular mi theory pa 5 lak ah pahnihnak minthang mi theory hi  Hygiene Theory  ti a si i Hertzberg’s Two Factor Theory ti zong in an auh.  Frederick Herzberg (1923-2000)  hi American catial thiam a si “Management le Motivation” kong tampi a tial. 1959 kum ah Two Factor Theory hi a rak tial.  Minung herh hrimhrimmi (needs) hi a nih nihcun phun 2 in a then i Hygiene needs and mot...