Motivation -2 Hertzberg’s Two Factor Theory
Motivation -2
Hertzberg’s Two Factor Theory
Tu bantuk in ram a buai lo le a daih lo lio ah mah kuttang i a tuanmi pawl kha thate in ukthiam (manage) thiam a hau i an lungthawhnak zeitin dah kan pek khawh hna lai i zeitindah an ziaza hi zeitin dah tlawmte tel kan remh khawh hna lai ti hi a biapi ngai.
Nizaan ah tialmi Maslow needs ahcun takpum herhmi hi a hrampi in a tling hmasa a hau i cucu a tling lo ahcun mi va bawmh khawh le zatlang nun ah cawlcangh khawh a si lo tiah a ti. Researchers tampi nih Maslow’s theory hi chanbaunak a tampi a um tiah an ti.
A Popular mi theory pa 5 lak ah pahnihnak minthang mi theory hi Hygiene Theory ti a si i Hertzberg’s Two Factor Theory ti zong in an auh. Frederick Herzberg (1923-2000) hi American catial thiam a si “Management le Motivation” kong tampi a tial. 1959 kum ah Two Factor Theory hi a rak tial.
Minung herh hrimhrimmi (needs) hi a nih nihcun phun 2 in a then i Hygiene needs and motivation needs tiah kaupi in a then.
Riantuannak i a herhmi a hram (basic) thil tete le lungthawhnak caah i a herhmi tiin phun hnin a then. Riantuannak thinlung aa tel lo ahcun zei rian hmanh hma a kal lo. Rian ah lungtlin lo nak a um lo timi hi ka lungtling tinak a si hlei lo a ti (no dissatisfaction doesn’t mean satisfaction). Tahchunhnak ah thlahlawh (salary) karh ahcun lungtlin lo nak a zorter nain lung i sinak-lungriamnak a si hlei lo. Kampani le factory ah raintuan pawl (employee) an lungthawhter le lungriamnak ah a rak tialmi a si. Kampani pa 11 in minung 200 (engineers le cazin tlai) pawl biahalnak a rak tuah hnu ah bia a funmi a si. Minung kan lungthawhnak cu thil pahnih nih a kan iap (influence) tiah a tial. Cucaah a ruahnak kha “Thil a tuahtu Pahnih” thil a a cangtertu pahnih tiin Hertzberg’s Two Factor Theory tiah auh a si. Hygiene factor le motivators ti in then a si. Hygiene factor (thianhlimnak) hi thatter ahcun riantuanmi pawl lungsilonak (unsatisfaction) a zorter i le lungthawhtertu hi thatter ahcun lung i sinak (lungriamnak) satisfaction a chuahter.
Motivators: lungthawhtertu timi cu rian zuamnak ding ah thazaang a petu pawl an si. Cu pawl cu hlawhtlinnak (achievement), cohlannak (recognition), tuanvo peknak, cawisannak, theihhngalh piak, zuamcawhnak (challenge) le thangnak (growth) pawl a pek. Rian a chung umtuning he a pehtlai i cu pawl nih lungthawhnak a chuahter a ti.
Hygiene Factors: Rian ah lungthawhternak a pe lo nain cu pawl an um lo ahcun minung lungthawhnak an zor a ti. Riantuannak hmun i thil umtuning, thlahlawh (tuanman) hmuhmi, pawlisi, uknak le rian himnak (job security), tbt pawl an si i rian i lenglei umtuning an si.
Cu caah riantuannak i manager nih hi pahnih i a sangter khawh ahcun minung lungtlin lonak a zorter pinah lungthawhnak a sangter a ti. Hi Lungthawhnak hi a um lo ahcun rian in an i phuak, an chuah lo hmanh ah an tuahnak (performance) a sang kho lo caah minung pakhat zaka ah pahnih rian khinh an hau ti a si.
Hi theory hman ding ahcun bu ah maw kampani ah maw riantuannak ah Hygiene factors pawl hi thatter hnu ah an lungthawhnak ding pawl kha pek a hau tiah a tial. Kampani manager nih an hman ngai mi a si.
Comments
Post a Comment