Motivation -3 Theory X and Y

 Motivation -3

Theory X and Y 

Theory of Douglas McGregor: timi hi minung riantuannak ah minung ziaza hi  Theory X le Theory Y ti in phun hnih in a then hna. 

Hi Theory a serpa McGregor nih hin Manager paohpaoh nih minung hi zeinih dah an lung a thawhter hna ti hi anmah pumpak ruahnak cio an ngei. Cu anmah pumpak ruahnak in cun an uk hna an hruihruai hna a ti. 

 

Theory X: cu mi thathu, a nun caah rian a tuan, rian hi a zuam lo, phaisa hmuhnak ca lawng ah rian a tuanmi phun tiah ruahmi kha X a pek. Rian tampi a hrialmi mithathu le tuanvo lak a duh lomi miphun an si. 

Cu caah kampani ah maw bu ah hlawhtlinnak ding ah hi bantuk minung pawl hi a herhning in dantat (punish) pek le award-laksawng pek an hau caah hihi manager maw hotu nih hruihhruainak (supervision) ah an hman a hau a ti. 

 

Theory Y: Minung nunnak ah riantuan a hau a ti mi le, tinhmi le biakamhrenhnak (commitment) zong a ngeimi  tiah ruahmi kha Y ti in a auh hna. Tuanvo lak an duh. Maslow theory i a cung dot-3nak a panhmi an si a ti. 

Theory Y pawl cu zatlang nunnak duh a nungmi le tuanvo a la thiammi, zuamcawhnak a duhmi, thlennak a duhmi, a lungthomi le hlawhtlinnak a duhmi an si a ti. Pumpak an tinhmi kha kampani/bu i tinhmi (goals) he an kahter a ti. A tawinak in chim ahcun Theory X cu hmailei caah thiltha a hmu kholomi i harnak lawng a hmutu (pessimistic) an si i Theory Y cu optimistic - hmailei caah thiltha a hmu khotu (hnabeiseinak a ngeimi) tiah phun hnih in an then hna i kampani le bu ah minung kip hi lungthawhnak a kawl lo mi an tampi caah hi lam phunhnih hi uktu le manager nih a kaphnih in hman thiam a hau. 

Khrihfa mit in zoh ahcun Theory X timi pawl hi Khrihfa ka si, Pathian ka theih ko a ti nain a phun men i Khrihfah a si mi, Bible rel huaha lo, thlacam lem lo, thalrau in hrintharnak a ttan lo pawl bantuk an a si. Theory Y pawl cu Pathian a thei taktak i Bible a rel, thla a cam i thlarau in hrinthannak a cohlantu pawl kha ti khawh a si men lai. Hi pawl nih pumpak duhnak le Pathian duhnak aa khat khawh ding an i zuam.  

Hi X pawl hi an pastor nih thate in uk khawh, thlacam fial, training kaiter, Bible relter tbt in a uk zia a thiam a hau i Y pawl hi cu anmah te in a tuan khawh caah a rian bawmtu ah a hman khawh hna. Kampani zong ah rian a lut ka kha theory X bantuk in strict ngai in uk le fial an hau i a thiamcangmi le a tlahmi cu theory Y bantuk in zalonnak pek ding creative timi thilthar ruah khawhnak an hmuh khawhnak ah anmahte in hruaiter ding an si.