Nihin vawlei sipuazi dirhmun 21 September 2021

 Nihin vawlei sipuazi dirhmun

21 September 2021

 

“Na tangka na ngandamnak” timi tlangtar in US ah biaruahnak an tuah i 

vawlei cung pulrai zawtnak Pandemic nih a chuahpi mi sipuazi lei hma hi zeitin dah kan i thlop khawh lai timi biaruahnak ah char khawhmi tete pawl;

 

Pandemic nih a chuahpi mi sipuazi lei hma nih Thil a hran chuahnak in thilsernak in i kuat le i phawtzamnak i cawtu hmantu sin tiang a phak khawh dingmi riantuannak (supply chains) timi pi hi hnahnawhnak ngan taktak a chuak pi,  cun zumhnak a zorter, cun a dongcat lomi leiba nih tumchuklei in negative impact in thil a cangter. 

 

Sihmanhsehlaw, techonology a thar an kawl an hmuhmi (innovation) le riantuanning pawl an vun i thlen thluahmah mi hi positives a chuahtertu tawh (key) pawl an si. 

 

Tulio vawlei i tih a nung bikmi Covid Delta rungrul hi kan tei khawh hnu ahcun ruahchannak tampi a chuak than lai. 

 

Hi pulrai nih nifa hma a chuahter i a karhter, cu hma cu thlopnak kawl an hau. Pulrai nih Long-tail effects timi a chuahter cucu ziezah a si ti ahcun Amazon bantuk in niche products zuar khawh hi a si. Pumpak nih mah le herhmi le duhmi kha niche market ah thil a tling caah fawite in cawk khawh a si. Pulrai a dih hlan cu i tinhtuah a hauh peng lai caah thil papek a hauh deuhmi thil paohpaoh kha reallocation of resources timi ngeihchiah zuarmi-chuahmi thilri pawl kha hmunkhat ah funtom kha a si i thil a chuahtu caah ah a zuartu ca zong ah cost a tlawmter deuh. 

 

Pandemics timi pulrai a chuah ah zeitin dah i tinhtuah ding ti hi sianginn i cawnmi textbook pawl a bik in sipuazi lei le management lei ah an rak telh lo mi nih cawnnak le theihtlei a rak um deuh lo hi a poinak a si. Hi pulrai hi a rauh deuh paohpaoh ahcun zumhnak hi a zorter chinchin lai i a bik in supply chains timi thil chuahnak in zuarnak le cawtu sin a phak tiang a cawlcaangh ning ah hnahnawhnak le harnak nganpi a chuah caah hlan i globalization timi hi a tu ahcun de-globalization in kal a hau cang lai maw ti zong hi ruahding thil pakhat a si kho.