Covid -19 Zawtnak Inn ah Mahte in i Thlop Ning

England, USA, Japan le Myanmar ah Covid -19 zawtnak mahte in i thlop ning (sizung a panh kho lo mi caah). 

Sizung panh khawh lo in inn ah mahte in Covid a thlop duhmi caah 

A khatmi le i hrawm khawhmi i thlop le i zohkhenh ning a tawinak…

 

National Health Service (NHS) England nih an rammi caah an tialmi le World Health Organization -WHO, CDC- Centers for Disease Control and Prevention (USA), le Myanmar ram Prof. Than Than Aye, UM-2, chung in i hrawm khawhmi khommi a si. 

 

Zawtnak ni 1-7 kar

1.    Zawtnak a langh in asiloah positive na si in mahte lawng in um, lengchuah lo, umti mi chungkhar he ton lo ding, sibawi he i pehtlaih ding

2.    Na tak a linh ahcun –Fever le High Temperature – 

Tampi i dinh ding –

Ti tampi ding ding

Paracetamol asiloah ibuprofen, Tylenol dinh ding (nazi 8 dan)

3.    Na khuh ahcun - treating a cough

Sir in it ding asiloah dinte in thuh ding (Lie on your side or sit upright instead.)

Khuaihliti - honey keukhat dinding (kum khat tang hngakchia pek lo ding)

Khuh si Woods tibantuk din ding asiloah

Azithromycin 500 mg -nikhat pumkhat in ni 3 in ni 5 tiang din ding

(antibiotics a hau rih lo)

Vitamin C (tam bik 500mg tiang) Zawtnak dohtu Immune function a thawngter

Vitamin D (5000 in 10000 unit tiang) ruh, ha le thahri (muscles) caah a tha, Immune function a bawmh chan. 10 micrograms (400 IU) International units (NHS.uk), zing nitlang toh

Zinc zong Zawtnak dohtu immune system le metabolism a thatter 

 

Zawt in Ni 1-7 kar ah Antiviral Treatment -viral thlopnak si pawl pek khawh a si. 

 

1.    Rendesivir (US ahcun zawtnak dang a kemh chihmi an pek colh hna) 100mg voi 6 chunh a si, nikhatnak ah dur 2 chunh cun ni 4 chung dur khat lengmang chunh a si. Kal le thin a tha lomi pek lo ding

2.    Favipiravir – A nikhatnak nih ah 1600 mg zing ah voi khat zaanlei ah voi khat pek a si, cun a ni 2 nak in 600 mg ni 7 pek a si. (Prof. TTA)

Mino le immune function -zawtnak dohtu a thawngmi paoh nih cun hi caan ni 1-7 tiang ah Covid virus tei a si cang.  An pum chung ah virus a um ti lo. 

 

Ni 8 nak thawk in 

Cuap Phin

Ni 1-7 tiang ah a dam lomi caah ni 8-12 kar ah O2 a tla lai

1.    O2 level 92 tang a tla ahcun Oxygen pek a hau

1-2 L/min (liter per minute) lawng pek ahcun hnarhrolhmi nasal prongs in pek khawh a si. Cu nak a tam ahcun face mask he pek a hau i 4L/min nak tam pek a hau. 10L/M nak tam pek a hauh ahcun Reservoir bag timi thli bawm kha face mask he hman ti a hau. 15L/M pek a hau ahcun nasal prongs le face mask he a pahnih in hman i pek a hau. RR timi respiratory rate -minute pakhat ah voi 24 nak tam voi 30 hrawng a thawchuah a rang i O2 85% le a tang asiahcun sizung ah kalpi ah a tha. ICU ah chiah a hau. 

 

A dang i thlop ning Cuap phin le thikhal tibantuk pawl cu thi check le sibawi i zohter a hau. 

Hi caan zong ah Rendesivir chunh khawh a si. Toczilizumab zong pek khawh a si. 

2.    Anticoagulant - thi khal lonak si

Pek khawh a si mi le pek khawh a si lo mi an um caah i ralrin a hau, sizung maw sibawi panh a hau i a herh ning in i check a hau.

3.    Dexamethasone maw Methyle Prednisolone le baricitinb

Cuap le a phinmi damnak, pek khawh a si mi le pek khawh a si lo mi an um caah i ralrin a hau i sibawi i zohter hmasa hnu ah a herhmi checknak thi i check, x-ray te hna i thlak an hau.

 

 

 Atu lio Japan, Russia le China ahcun an mipi hna ralrinnak an pek mi hna cu 

1.    Nikhat ah nazi pa 7 a tlawm bik ih ding

2.    Protein dat a telmi ei piak ding, sa, nga, arti, cawhnuk, bialep, tawlre tbt

3.    A thlummi ei tuk lo ding

4.    Vitamin C le D ei piak ding, naitlang toh ding

5.    Cite telmi tisa in kam i thuat (gurgle) ding

6.    Ti le tisa, green tea ding piak lengmang ding

7.    Lamlen le lente i celh ding

8.    Nifa minute pa 5 tel tisa he i kholh ding

9.    Lengchuah ah mask i hruk peng ding, kut i tawl lengmang ding tibantuk pawl an si. 

 

 

Thirang chung i Lympocyte a tlawm ah a tha lo i zawtnak doh ding ah a har, Neutrophils a tam zong ah a tha lo. Cytokine storm a chuah ahcun  IL-6 timi (interlikin 6) at am lai. Cytokine Storm kong hi hlan ah ka tial cang. CRP timi (C reactive protein) a tam ahcun a tha lo. 0.46 nak tam cu a tha lo i 50 leng a si ahcun a tha lo chinchin. Ferritin hi >250 tang a si a hau i a tam ahcun cuap caah a tha lo i Toczilizumab chunh a haumi pawl cu hi Ferritin a tam mi an si. IL-6 a tam zong ah hi si hi chunh a hau. A phin ahcun Albumin (Hypoalbuminemia) hi a tla. Zeitluk dah a zual timi hi D-dimer niha langter caah Oxygen a tlak ahcun Anticoagulants phun khatkhat pek a hau. Thi khal lonak. ALT/AST a kai ahcun thin- liver caah harnak a phan tinak a lang. Thi chung i cell a arawh ahcun LDH a sang lai. Trop I or T a tam ahcun lung- heart zong a zawter cang.