Covid Delta Variant Virus

 Covid Delta Variant Virus

 

Delta variant hi Covid virus phung vialte ah tih a nung bik le i chawnh a fawi bik India in a ra mi vawlei cung i tiha nung bik Covid viral phungkhat a si. 

Hi Delta Variant i thlopning hi sibawi te nih zaran lungtlinhmi mi thlopnak a um rih lo. 

 

Hi virus hi Alpha virus nak ah a let 50 chawnh a fawi i Covid virus dangnak in a let tamtuk in a rangte in a chawnh khawh hna. 

Hi Delta virus rungrul hi pum ah a lut tik ah ni 1-7 tiang pum chung i a ummi immune system timi (zawtnak dohtu) nih an do colh ve. Cu tik ah ni 1-7 ah hi virus a tei ahcun hi virus a um ti lo hnu zong ah antibody timi thisen chung i zawtnak dohtu pawl kha duhsah in a rak chuah thluamah i “cytokine storm” timi pro-inflammatory cytokines tampi a chuahpi i cu cytokine cu Cuap timi lung he direct in a pehtlai i cu nih tissue pawl a hrawh i multi-organ failure, kan pum chung i thin, lung, kal le a dangdang chungril organ pawl a hrawh. Hi Cytokines hi thichung i zawtnak dohtu immune cell pawl (macrophages, dendritic cells, natural killer cells and the adaptive T and B lymphocytes) pawl nih a chuahpi mi an s ii cu nih cun Cuap kha direct in doh a hrawh i acute respiratory distress syndrome (ARDS) 

Timi a chuahter, cu cu Cuap nih Oxygen a za in a chuahter kho ti lo. Cu tik ah Oxygen pek a hau. Oxygen pek khawh colh lo ahcun Proning position timi bawhter a hau (caantling ka ttang tang, phei le paw kar le khuh tang ah denh) piak a hau. 

Cu ti tissue le cell a rawh tik le Cuap nih oxygen a chuahpi mi a tlawm tik ah Dexamethasone Injection 4ml chunh an hau. 

 

Hi Delta Virus a luh in Ni1-7 tiang ah immune system zawtnak dohtu nih a tei khawh lo ahcun hi virus hi Cuap le Thin tibantuk ah a lut. Cuap ah a lut ahcun Cuap a phin, cun Covid Pneumonia ah a chuak, Cuap a phing i cuap ah ti aa zawi tik ah thawh chuah a harter i thlop colh lo ahcun Cuap ah ti a tam thluamah i thaw chuah a har chinchin i tih khawh a si. 

Hi Covid virus cuap ah a phak lo ding in “Favipiravir” hi a tha, Cun Taluk si “Lian Hua qing Wen” timi sitlang nih virus cuap chung luh lo ding in a kham. Cun cell pawl karh lo ding in a bawmhh caah Ni 1-7 kar ah din khawh ahcun an dam. 

 

Hi Cytokine storm nih thi chung i cell, tissue le capillary timi a hrawh caah thi a khal kho caah thi tah – blood test tuah piak lengmang a hau i thi a khal ahcun thih a afawi te caah Inoxaparin chunh si chunh colh zong a hau. 

 

Zawt ka ah tak a linh peng ahcun Paracetamol/tylennol nazi pa 8 dan in din piak lengmang a hau. Khuh ahcun khusi le antibiotics din a hau, cun Azithromycin hi Pneumonia, or, hrawm, hnar le thawchuahnak kuapi (respiratory tract) caah a tha. Vitamin C, D le Zinc, Iron zong bawmchantu ah din a hau. Cer, Kachuan, aithing, broccoli, yogurt le almond pawl hi immune system zawtnak dohtu bawm chantu caah an tha.