Covid thlopnak Si thar “Fenofibrate”
Covid thlopnak Si thar an hmuh tiah an thanh. Covid zawtnak 70% a thlop khawh.
England ram i University of Birmingham, Keele University (UK) and the San Raffaele Scientific Institute-SRSI (Italy) nih caan sau an kawl an kherhlai -research an tuah hnu ah “Fenofibrate” timi si nih Covid zawtnak hi 70% a damter khawh ti an hmuh.
Covid zawtnak hi ram kip nih caan sau nawn an hlathlai i an thlop hnu ah a fawinak in cun Covid pulrai zawtnak hi Thilkhal zawtnak phun a si tiah chim khawh a si an ti.
Hi si hi thil chung i thau zorternak ah hmanmi si a si. Thithau chung i cholesterol and triglycerides pawl a zorter. Hi cholesterol hi thi nih oxygen kha lung le thluak le pum i hmun kip a kalternak ah a khamtu a si caah cholesterol and triglycerides a zorter i i thlopnak ah a tha tuk ti a si. Cun thi chung i hnahnawhnak pemi -ACE2 and Spike interactions kha a zorter khawh ti a si.
A zawmi tampi cu VTE timi venous Thrombo Embolism hi an ke i thikir thahri ah thi khal aa thawk i cu in cuap le a dang ah a kai tik ah an thihnak a si an ti.
Vawlei cung ram kip ah a zawmi ni 7 hnu ah an oxygen a tummi cu tam deuh cu thi khal lonak (anticoagulants), thil khal a khamtu si pawl pek an si. A khal lonakding ah sitlang an pek hna lo ahcun chunhmi si hi pek an si i chunhmi si hi rian a tuan a rang bik. Zapi theihmi Enoxaparin hi a tha bik a si tiah an hmuh i Kawlram zong ah an hman bik. Enoxa a um lo ahcun Fondaparinux hi pek a si.
San Raffaele Scientific Institute i Dr Elisa Vicenzi nih hi Fenofibrate si hi vawlei cung ram kip le sidawr kip ah man fawite in an zuarmi a si over-the -counter (OTC) in sidawr counter ah sibawi minthut hau lo in cawk khawh a si. Dinmi si a si i Covid hi 70% cu a damter hna tiah an research ah hmuh a si.
Dr Scott Davies (the University of Birmingham) nih cun hi si Fenofibrate hi Covid i thlopnak si ah a tha bik a si kho i tam deuh in kan hlathlai lio a si tiah nizan nai ah a chim.
Vaccine chunh i zawtnak khamhnak ah a tha bik a si nain a chun kho rih lomi caah zawtnak tuan ah i thlop colh ah a tha bik caah atu lio ahcun Faviparavir din si asiloah Rendesivir 100 chunhmi si hi zawt le cang kha din maw chunh colh a that bantuk in hi thi khal lonak si Fenofibrate si zong hi ni 7 hnu ah din piak ah a tha. Oxygen a tla mi paohpoah cu thi khal lonak si (anticoagulants) a tlang maw chunhmi maw pek hrimhrim an hau.
Covid in a zaw i Oxygen a tla mi paoh cu thilkhal lonak si pek an si cio ko nain hi Fenofibrate nih mizaw 100 ah 70% a damter hna tiah UK le Italy ram silei thimnak le university research in an hmuhmi a si.
Comments
Post a Comment