Covid Vaccine Booster timi hi zeidah a si?
Covid Khamhnak si i chunh hnu thla 6-8 ah booster i chunh than a hau.
A si ahcun voi 2 i chunh mi vaccine hi thla 6 in thla 8 hnu ah san a tlai ti kun lo maw? Vaccine si voi 2 i chunh ahcun hi zawtnak in thihnak le fak tuk in zawtnak le sizung phaknak tiang kha a khamh. Sihmanhsehlaw, hi si thawngnak hi thla 6-8 hnu ahcun a duai -a tumchik cang caah booster timi chunh than a hau.
Vaccine si hi voi 2 i chunh hnu (1st dose hnu 4-8 weeks ah 2nd dose) course khat a tlin hnu – thla 6 -8 hnu ah a voi khatnak booster i chunh tik ah duhmi vaccine paohpaoh i chunh a ngah caah atu ah i chunh khawhmi vaccine i chunh chung ah a tha. Hmailei ah sit hatha i chunh khawh than a si ko lai. Kan dohmi ralkap nih an cah kan zum lo tiah a ruat ciomi kan si nain a phak i a tawlrel tu hi ngandamnak lei zung i tuanvo ngeitu sibawi le nurse deuh in phawtzamhnak an tuah i anmah nih thate in a chiah ko caah a tuantu taktak cu ngandamnak zung an si ko i lung awtawm lo in i chunh khawh a si. Voi 1nak le voi 2nak zong si aa khah lo ah a poi lo. Voi 2 in chunh hnu thla 6 -8 hnu ah duhmi si (booster) i chunh khawh a si i cu hnu zarh 4 hnu ah vaccine si dang zong i chunh khawh than a si. Thla 6 -8 hnu ah i chunh mi si hi booster (thazaang thawngter) tiah an auh i 1st dose booster le 2nd dose booster ti in an auh.
Hi booster hi America zong nih voi 2nak i chunh hnu thla 8 ah nan i chunh than dih lai tiah President Biden nih a lak (free) in i chunh a si lai tiah a thanh. Europe ram cheukhat Germany le France ah cun upa deuh le a dertawm deuh mi hi booster i chunh ding in thawng an thanh. Israel le Hungary aho paoh i chunh cio ding in an thanh i Israel i booster a chunmi an sining an kherhhlai an zohnak hna ah thihnak tam tuk a khamh khawh an ti. Isareal hi minung nuai 9.3 leng an um i kum 40 cung milu nuai khat le cheu cu booster an i chun cang i tihnak le zawtnak hi a zor ngai i thihlohnak tam tuk a khamh khawh timi an hmuh.
Booster hi zeidah a si ti ahcun vaccine si i chunh than kha a si ko. A si cu aa dannak a um hlei lo. Aa khatmi si kha i chunh than a si ko. Mirang cu an fim i a si thazaangthawngternak tiah an hei auh sawhsawh khi a si.
Nikum December ah hi Vaccine mipi sin ah theihternak (introduce) an rak tuah lio ah scientist pawl nih booster chunh than a hau ti lai tiah an rak thanh cang. Asinain Covid rungrul a phun (variant) aa thlen ahcun cu rungrul a teimi vaccine kha chunh a hau te lai i zeitluk tiang dah (mutation) aa thlen lengmang lai hi cu chimhcia chung a har tiah Yale Medicine sianginn Dr. Shaw nih a chim.
Hi vaccine kan i chunhmi zeitluk tiang dah rian a tuan ti theih duh ahcun thi i check a hau,kan pum chung i Antibody zeizah dah a um ti hi check ah theih khawh a si. Asinain vawlei ram tampi le si a chuahtu kampani pawl nih an hmuhnak ah thla 6 in thla 8 ah cun si thazaang thawngnak a duai a tumchuk timi an hmuh caah thla 6-8 ah booster i chunh than cio kan haul ai.
Hmanthlak: Mi ta
*A tang hmanthlak hi Thai i minthang sizung pakhat nih duhmi si cawh i i chunh khawh a si tinak le booster i chunh caan pawl a tarmi ka lakmi a si. Mixed vaccination a ngahnak le booster i chunh khawhnak Interval Guideline an chuahmi a si.
Comments
Post a Comment