COVID Vaccine Kong
Covid Vaccines
Kawlram ah a voikhatnak chunhmi - Covidshield
a voihnihnak chunhmi – Sinovac
Atu a voithumnak chunhmi - Sinopharm
Covid vaccines chunhnak kong ah mi tampi cu China in a rami vaccines chunhnak ding ah lung awtawm in an um…
WHO le Yale university zong, cun ram kip cozah zong nih Covid in i khamhnak a tha bik cu Vaccine chunh hi a si tiah an thanh lengmang.
Nihin nih a cang lio mi Delta Variant caah vaccines pawl kong tawlmpal in..
Covidshield
British thiamnak in India ram ah chuahmi si a si. UK ahcun AstraZeneca tiah an auh. Voi 2 chunh a s ii Kawlram ah milu nuai khat hrawng nih an i chun cang i hi si hi thla 6 hrawng lawng a nguh ve.
Avoikhatnak chunh ah 70.4% hrawng a khamh khawh i voi 2 tlingte in ichunh ahcun 82.4% hrawng a khamh khawh i thihnak hi 94% hrawng a khamh khawh. Hi Si a chunhmi nih misin i chawnhnak 67% a khamh khawh. Delta variant zawtnak zeizah a khamh khawh aa fiang lo.
COVAXIN
Hi si hi BBV125 tiah theih a si i hi si i chunh ahcun pumchung in zawtnak dohtu -antibody tampi a chuah i covid rungrul a doh. Voi 2 i chunh a si ve i Covid pulrai zawtnak 65% a khamh khawh.
Delta variant 65% a khamh khawh.
China chuahmi Vaccines
SINOPHARM
WHO- World Health Organization nih a cohlan mi si a si i ram 80 hrawng nih an hman. Hi khamhnak si hi Beta-propiolactone timi chemical a telmi a si i covid virus he fonhmi a si cu covid virus lila a karh lo ding in a khamhtu a si. Covid zawtnak 79.3% a khamh khawh. Nihin Kawlram ah chunh an thawkmi a si. A linhnak 38.5 degree cung i an chiahmi cu ichunh bak lo ding a si. Delta variant zawtnak zeizah a khamh khawh aa fiang lo.
SINOVAC
Hi si hi Inactivated virus vaccine phun a si i antibody zawtnak dohtu tampi a chuahter ve iv oi 2 chunh a si ve. Covid Zawtnak hi 49.6 -50.7% tiang laawng a khamh khawh. Asinain zual lonak le sizung kai lonak tu cu 85-100% a khamh khawh ve. Delta variant 50% a khamh khawh.
US chuahmi Vaccine
MODERNA
Vaderbilt University nih hi si nih zawtnak 94.1% a khamh khawh tiah a thanh. Vawleicung ah a tha bik khamhnak si ah an cohlan.
Delta variant 88% a khamh khawh.
PFIZER
Covid zazwtnak khamhnak si a chuah hmasa bik a si. Moderna tluk deng a si i zawtnak 81.8 -95% tiang a khamh khawh. Delta variant 88% a khamh khawh.
Russia Chuahmi Vaccines
SPUTNIK V
Kawlram zong nih Sputnik V le Sputnik Light hi nuai 7 a cah ve i a rauh hlan ah nuai 2 a phan cham lai.
Hi si ah cumpi tlangrai (flu) a cangter mi rungrul Adenovirus timi phun 2 aa tel i zawtwnak phortu bantuk a si tik ah pum chung ah zawtnak a karh kho ti lo pinah zawtnak a cangter ti lo. Ram 64 nih an hman i voikhatnak chunh hnu ah zarhthum ruah ah a voi 2nak chunh a si i 91.5% zawtnak a khamh khawh. Delta variant 90% a khamh khawh.
SPUTNIK LIGHT
Immune system a thawngter i zawtnak 79.4% a khamh khawh. Voikhat chunh lawng a si. Chunh hnu thla khat ah antibody pawl a chuah i 91.67 a khamh khawh. Ram 13 ah an hman. Delta variant 90% a khamh khawh.
ASTRAZENECA
Uk ram chuah a si. Voi 2 chunh a si. Covid Zawtnak 74% a khamh khawh. Delta variant zawtnak 67% a khamh khawh. Thihnak 70% a khamh khawh.
Hi khamhnak si Vaccine vialte hi i chunh tik ah side effect pawl lufah, ruahkhau pum fah, khuasih, luakchuah, i chunhnak zawn phing le thabat tibantuk pawl nikhat maw nihnih tiang a um kho.
Ralkap uknak duh lo ruang ah i chunh lo cu phung dang.
Cun an chiahning temperature le an riantuanning zumh lo i i chunh duh lo zong a um kho.
Theih ding pakhat cu Vaccine i chunh paoh cu thihnak khamhnak a si caah tuan ah i chunh khawh paoh ah a tha.
Covid zawtnak a zawmi cu ni 90 hnu lawng ah chunh khawh a si. Fapawi le thin le kal tibantuk thlenmi zong, kum 18 tang zogn chunh khawh a si lo.
Atu Kawlram ah an chunh liomi China Sinopharm zong hi WHO zong nih a cohlan mi a si pin ah ram 80 nih an hman mi a si ko i a si cung ah zumh lonak ngei lo ding. A si i chunh ah thla 6 tiang ah zawtnak 80% a khamh khawh.
Covid pulrai zawtnak 80 in 90% tiang a khamh khawh tiah theih ko bu ahcun i chunh caan a phak ah i chunh hrimhrim cio ding a si.
Credit#WHO
Comments
Post a Comment