Covid Variant Lambda
Japan ram ah tih a nung taktakmi Covid pulrai rungrul thar Lambda an hmuh.
Covid Zawtnak a phun aa thlenmi (mutation) Lambda timi nizan tihni Japan ah an hmuh.
Hi Covid rungrul thar hi Vaccines- Covid khamhnak si zong nih a tei lem lo mi le tih a nung taktak mi le chawnh a fawi a rang taktakmi rungrul phunkhat a si an ti.
Peru ah nikum 2020 December thla ah hi Lambda timi rungrul hi a karh ciammam i (A lut taktak hi August hrawng a si) vawlei cung ah thihnak rate “death rate” a sang biknak ram a si tiah US ram Johns Hopkins university nih a kerhhlainak caah a chuah. Peru ah Covid pulrai in a zawtmi hi nuai 2 le sing khat leng (2,125,345) an si i a thimi hi sing 2 an si caah 9.3% a si i vawlei ah a thimi rate a sang biknak ram a si. Cu hnu ah Kenya le Venezuela an si i 7.5% hrawng an si. (Mozambique hi 19.3% in a sang bik nain a zawmi 7,165 chung ah a thimi 1386 lawng an si) tiah an ti.
Hi Covid rungrul hi ram 29 ah a phan cang i kan hnu ni 3 ah khan Japan ah Peru in a rak lutmi nu sin in an hmuh. Delta rungrul nak in i chawnh a fawi deuhmi le tih a nung deuhmi a si pin ah hi Lambda rungrul hi Covid khamhnak si - Vaccine doh khawhnak le tuar khawhnak (resistance) a ngei caah vaccines nih zeitluk dah a khamh khawh le khamh khawh lo vawlei cung mifim pawl nih fiangfia in an chim kho rih lo.
Hi Lambda Variant rungrul i vawlei pi a cul rih lo caah WHO- World Health Organization nih cun Variant of Concern (VOC) si lo in Variant of Interest (VOI) lawng ah a chiah rih i - vawlei cung mipi ral tiang ah a chia rih lo nain Vaccine zong 3% lawng i chunh rihnak Kawlram, ngandamnak zohkhenhnak ah chambau tuknak le uknak a that lonak Kawlram caah cun Tih a nung ko, Delta nak in i chawnh a fawi deuh pin ah Vaccine hmanh nih khamh khawh lo a si kho men an ti caah....nikhat khat Kawlram ah a rak lut kho caah.....Daithlang lo in hi a voi 3nk Pulrai tilet le Delta rungrul a dih donh pah hnu zong ah Mask, Social Distance, le Sanitizer pawl hi hman zungzal bu le lengchuak lo te in i ralrin cio hna usih.
Comments
Post a Comment