Dollar A Kai Lai

Kan ram sipuazi boruak kan zoh ahcun inflation a sang ngai i dollar man a kai Kyat man a tum. Kan hnu Jan thla dih ah 1320 hrawng a si i atu ah 1580 -1600 deng a phan cang. 2500 tiang a phan zau lai. Kan zoh tik ah 23% hrawng inflation a sang ti nak a si. Kawlram cu ramdang in cawkmi thil a tam tik ah hlan ah 10,000 ma kha atu ahcun 12300 in cawk a hau cang tinak a si. Bank i sing 100 na ngeihmi kha a tu ah cun sing 80 man lawng a si cang ti nak a si.

Kyat depreciation a man a tum ti nak a si. Atu bantuk a si ah cun hi nak a man a tum chinchin lai caah tangka aa chiahmi nih a hring maw sui maw cawk ah a tha. Kan hnu thla ah a hring thonghra man rak caw law nihin ah na zuar ah cun sing 26 na miak cang lai. Hmailei zong ah a kai rih ko lai. Cu bantuk in sui zong a man a kai thiamthiam. Ahring i chiah a thatnak cu liquidity a fawi, na duh tik ah zuar khawh colh i tangka fang in na hmuh khawh cu caah bank i tangka chiahmi chuah a harnak cha cun a a tha deuh saomao.

Hmailei kan Kawlram zeidah a lawh lai ti hi ruah cio a si i thil a cang khomi tampi lak ah atu lio ramkhel zuamnak lei in siseh hriam zuamnak lei in siseh a phunphun a um nain a rang bik in ram a thlen kho bik lai tiah ruahmi lam approach cu….

Ramchung lei ah ramkhel dohnak in siseh thazaang in siseh dohnak cu caan a rau ding a si caah ramleng lei ramkhel tuannak hi atu lio ah hma a kal bik men lai dah..

ASEAN ram pawl maw ASEAN+3 maw, ASEAN+6 maw RCEP nih maw a tlawm bik ram 10 hrawng nih biatak te in pressure pek in hnek le namnak fakpi tuah hna seh. ASEAN maw ASEAN+3 nih emergency meeting au hna seh.

Khah federal democracy ram ser ka duh tiah nifa TV in na thanh peng i democracy a hrampi cu mipi duhnak zulh le justice hi a si. Nihin ah rammi mipi nih siseh ramleng ram kip cozah nih aana na lakmi an duh ti lo caah nang hi uknak in chuak law mibu cheukhat nih tlai chung hna seh law Thimnak tuah i a dikmi democracy le free and fair election kan duh nan ti bantuk in a herh ahcun thimnak zong tuah than hna seh asiloah a tlak an ti ning in teinak hmuhmi zong pe than hna seh, nang tu cu rammi le vawlei ram kip nih a bik in na hawi ASEAN +6 nih kan in cohlan kho ti lo ti hna seh law, abik in ASEAN ram plaw le Japan, Korea, Aussy nih nam chih hna seh law, uknak midang kut ah aap ter hna seh law ralkap nih an aal ding a har taktak lai.

Note* Western ram pawl i ramkhel an kal ning ah liberal system in civilization ramkhel ah an kal i a bik in Asia ram ah cun ramkhel hi pressure pek le namchih in an kal, cozah kha hneknak le namnak (pressure pek in push) khawh mi strategy le approach hi a tha bik lai dah. Cu ASEAN ram cu pumpak in siseh bu kip nih emergency meeting a auh ding in kan nam kan hnek ve hna a hau. ASEAN ram pawl hi Kawlram caah cun an powerful ngai. Zeipoah a lam an phih khawh. ASEAN plus 5 maw 6 nih kan in cohlan kho ti bak hna lo an ti ahcun an lam a pit..