From Abnormal to a New Normal

 From Abnormal to a New Normal 

Kan nun aa khat kho ti lai maw? Covid hlan le Covid dih kan nun hi zeitluk dah aa dan te hnga?

 

Thil chimchung timi hi a har ngai te, a bik in hmailei kong. Hmailei timi cu future a si tik ah theih bel hmuh bel mi asilo caah chimchung ding a har ko nain Covid hlan bantuk kan nun kha covid dih in tah a si kho te lai maw ti hi aho paoh nih ruah cio a si. 

 

Khualtlawnnak lei kan zoh hmasa ahcun, Ram tampi cu an ram ah khual luhter an duh hna lo bantuk in ram cheu khat cu an rammi chuah an sianh hna lo. Chuah te luh a ngahmi ram le hmunhma a um zong ah restrictions kan ti lai maw -khamhmi- tuah khawh a ngah lo tiah an khammi a tam tuk cang tik ah kal le tlawn an duh bantuk le tlonlen an duh bantuk in a nuam hoi ti lai lo.

 

Cu pawl nih cun khualtlawn duhnak thinlung pawl a zorter pah dih lai pin ah mi khua mi ram ah kan kal ah tah khuami rammi pawl nih tah hmaipanh te in an kan don ko lai maw? An kan tih lai maw? Kanmah caah tah a safe lai maw? Rammi hmun kip an rules le an khammi a tam tik ah tah Covid dih khualtlawn hi vawlei dang pi a lo cang lai maw? Vanlawng zong hotel zong dawr zong an i ralrin cang lai caah a zei paoh a man a fak cang lai caah khualtlawn hna hi mirum ca lawng hna ah a si sual te lai maw? 

 

Technology fimthiamnak sang lawngte hman aa thawk cang lai.  Artificial Intelligence timi “AI” hi tah a thangcho tuk cang maw? Ram thangcho tampi cu tachunhnak ah Japan, US, EU te hna i zei poah ah robot le AI nih tuahmi thil phunphun le seh an hman tik ah kan thiam lai maw? Fimchimhnak tiang in siseh cozah siseh AI a sangmi technology le seh le computer le robot hna drone hna hman in an um lio ah kannih vawlei fimnak a dawi kho lo mi caah tah zei bantuk thil har dah a chuahpi lai. NHK, BBC, CNN, TV le media tampi zong nih AI a sangnak kong tampi an chim an rel. Ticket cawk zong ah minung ton a si ti lo mah te in hmet i cawk, hotel luh zong ah, vanlawng le tlanglawng te hna i cit tik zong ah boarding tuah le luggage-bag ap te hna zong machine lawngte hman a si cang, phaisa hna tonh ti lo in phone app in cawk, rian tampi app in tuan khawh, kut in tonh lo ka in chim i fialmi thil le seh a tampi cang, social distance caah le minung ton lo - contactless si ding ah seh -AI machine lawngte an hman thluahmah cang hna. 

 

Hi Covid le pandemic nih minung paohpaoh safe -security kan duh dih. Rian le income - hlawh hmuh zong ah, nau sianginn aap zong ah, child care zong ah, nu le pa le tar zohkhenh zong ah siseh zei paoh ah a safe le security hi kan herh cio cang. Thil har ngai a site ding cu minung pawl hi nuamh seih duh tukmi saram phun kan si tik ah hawile he i ton, leng ah dinti eiti, party tuah tite hna tah cozah nih caan saupi kum saupi  minung i hlat ding -isolation - a khamh kho lai maw? 

Pumh kan duh ah tah mask i hruk bu hlasak le hlatpi thut peng tah kan siar a rem lai maw? Taxi, bus le tlanglawng te hna tah zeitin kan i cit lai? Rawl dawr ah pe 6 daan in thut maw a hau lai? Thlacamnak, rawlhrawnnak le thitumnak le puai pawl tah? Ruah lopi in Pulrai litet voi 4 nak, voi 5 nak ti an rat ahcun mi tampi caah tih a nung tuk tun lai.

 

Vaccine khamhnak si tah thla 6 voi khat maw kum khat voikhat lengmang maw kan i chunh lai, booster tah i chunh peng maw a hauh lai.  virus thar a chuah lengmang ah vaccine a thar lengmang maw kan i chunh lai?

 

Abnormal in new normal ah kan kal tik ah hlan kan nun bantuk in nun khawh ti lo mi thil a tam pi cang lai. Rauh ding thil a tampi cang lai. 

Hlan bantuk cun si khawh ding ah a har ngai cang lai dah…..