Ka Chunmang in ka Cang ah

Ka Chunmang in ka Cang ah

 

Chunlai ka mitkuh a thawt tuk lio ah

Uico hrang pawl heh tiah an bo an ui pah in 

kan dum kan innchung ah an rak lut

Inncung an rak kai thluamah i 

itnak khan innka pah chih in

Tho! Tho! Cabuai cung ah biaruah kan in duh an ti

Na thil tuah i kan tih tuk cang

Kan lau tuk cang, kan um thiam ti lo 

Kan ei kan it kho ti lo a kan thirh tuk cang

Cabuai cung ah thate thut in bia ruah kan in duh an ti ai

Ziah…uico zong pei bia an thiam hi tiah kamang ahcun…

 

Minung nawlngeihnak le pennak zeidah a lawh hnga tiah…

Nan nawlngeihnak le pennak kan vun i hlan ta i pei a si ko cu

Kanmah ta si lo kan theih nain 

a nuam tuk i kan i pe siang rih hna lo nain

Kan i pek than ko lai, thimnak zong kan in tuah pi ko lai….

Hi ti cun kan rampi pei a rawk dih lai cu….

Kanmah lawng hlah hmailei hruaitu 

Kan fale kan mino zong tampi an paam sual lai.

Saram le minung zong i theihthiam caan a cu cang

Ui kan si zong ah hun kan ton ko sawh…..

….tiah ui cu an holh thluamah

 

Cuti mah inn le dum i buainak a chuah len lio ah 

Innpa pawl a si mi Pa Asiang te pawl nih 

An vun kan zuang hnawh ding in 

Inn Pawng in an kan bih leng….

Mithawng mi ngan ka si ati vemi Pu UN te pawl

I thlak kan duh ve ko tiah an rak phunzai ve….

Nan innchung lila ah buai ti hlah uh…

Cu tin nan buai peng ah cun

Rawl le si-ai a rak puttu an ra ngam lai lo

Zatlaknak le Harnak nganpi an ton sual lai…

 

Khah zei khom a si ah cabuai ah bairuah ah kan thutpi ta ko tiah

A thli lawng in a bomi uico nih in an kan nawl len

Nangmah ui hrut cu zeitin kan zumh hna lai

Kan chan chun na ka hlen peng nan si

Chuak uh!

 

 

Minung nawlngeihnak le pennak 

Uico nih kan i hlan sualmi kan ngaithiam law 

Kan that hin hlah law kan nun tel kan zuah ko 

Kan lau kan tih tuk i kan um thiam ti lo

Ui buk ah kan kir lai i kan i hrenhkhumh ko lai

Cu tel cu kan zaangfah hram ko law…

Nihin Ni na D-Day te hi donghter hram ko

Nangmah duh bang si ko cang seh……

Khah! ka fale ka tule hi uihrut pawl hi

Uibuk ah hren dih hna uh 

Ahnu ah bia kan ceih te hna lai

Cutincun uico sin in….

Minung pennak le nawlngeih cu 

A rawh hlan ah hmuh than a si lai tiah

Chimrel pah in

Zalonnak ram kan vun phak bak ah 

Ka Hlau….. 

Ka mang ka cang ah a cang.