Mitkuh Thawte in Ih khawhnak

Mitkuh Thawte in ih khawhnak

Nai hrawng cu ram buainak le pulrai ruang ah mitkuh vuai lo le thate in  i hngilh khawh lonak tampi a um caah mitkuh thawtnak lam pawl tlawmpal in ….

 

1.    Ihnak pawng ah Phone chiah lo ding (Ih lai ah phone hman lo ding)

2.    Zing ni a chuah ah nitlang tlawmpal toh ding (nikhat ah voi khat tel Ni lak ah chuak ding)

3.    Pum Cawlcaanghnak exercise ah Lamlen (brisk walk) tuah ding (Asi khawh ahcun ni a tlang ka te ah lamlen ding)

4.    Caan hmaante in ih le thawh ding

5.    Zaan ih lai sumilam pa 2-3 a duh ah Ei le Din ti lo ding

6.    Ih lai ah Zu le Caffeine -kofi le lakphak din lo ding

7.    Ihkhun kha ihnak le ihtinak lawng ah hman ding

8.    Ihnak siaremte in ser ding

9.    Keng fah a ngeimi caah ke kar ah chantling i denh ding 

10. Lung zawtnak (heart) a ngeimi caah sir in ih ding, thal in ih lo ding

11. Ti i kholh tik ah towel fate in i hnor ding

12. Ti i kholh khawh lo zong ah angki cung in towel fate he pum, kut le ke pawl i hnor ahcun nerve pawl an tho i mitkuh a thaw (Japan ah tuahmi)

13. Rian kong le a dangdang ruah ti lo in ih colh ding- (de-stress)

14.Ih ka in thaw chuah exercise tuah ding (kut khat paw cung ah chiah a dang kutkhat ttang cung ah chiah i hnar in thawdawp ding, ka in thawchuah ding – minute pa 2 hrawng tuah hnu ah -kepha le kedong tiang thawh a lut maw ruah ding, fengbeo tiang thli na dawpmi a lut maw ruah ding, Cun tanpor, thapet, phei, tai, pum, paw, ttang, cun liang ti in thawchuahmi kha a lut tiah ruah ding (imagine)

15. Zaan ih lai suimilam cheu hrawng ah mei muihter deuh ah a tha a muih deuh ah melatonin timi hormones a zorter deuh

16. Chun a it mi  (nap) caah minute pa 20 nak tam ih lo, a si khawh ahcun chun ih hrial ding (upa le tar tello)

17. I hngilh khawh lo ah suimilam- (nazi) zoh lo ding

18. Chun ah thlalangawng le innka puanzar (curtain) pawl on i lenglei ceunak luhter ding

19. Ihnak khan le ihnak pawng hrawng thiante in chiah ding

20. Rungtuban, banhla, thawpat thei (avocado), kiwi, khamhmuai, ginko, almond, hru tibantuk pawl nih mitkuh a thawtter.