Rural Development (1)

Rural Development  (1)

Khuate Lei Pengtlang Thangchonak

Rampi ah daihnak um hmanh hlah seh law Khuate lei pengtlang thangchonak cu ngol awk a tha lo.

Kan Chin ram, Pathian pekmi vawlei ro hi ciinthlaknak le zuatkhalhnak a tha ngaimi ram le vawlei a si. Cu caah hi vawlei hi hman in pawcawngnak kawlhawl thiam kan herh. Rampi buainak in tirawl harnak le paam tiang a chuah kho caah a bik in khuate lei nih ngeihmi vawlei hi thahnem sangtlai te in hman thiam a biapi.

Atu lio bantuk ram a har lio caan ah caan sau a nguh khawh hnga ding le saupi chiah khawh mi tirawl phun ruah a hau. Caan tawi ah ciin le ei khawh, chiah khawhmi tampi lak ah nihin cu kimchi kong hi ruah ah a tha.

Hihi tuah a fawi i caan saupi zong chiah khawh a si. A thak nawn in tuah ahcun rawl ka zong a thaw. Emergency ah hman khawh zong a si. A tuah a fawi, kan Laitlang ah ciin a ngah mi lawng te an si. Khaute eidin harnak ah inn kip nih tuah i thlor i chiah cio ah a tha lai.

Kimchi hi antam maw kawpi hlum (cabbage), antam tawba sen (radish), antam tawba rang, antam tawba (carrot) ti bantuk pawl hi a hrampi a tamhpaih (ingredient) an si, cun khachuang rang, aithing le makphek phomh maw dip ti bantuk in tamh le cawh a si. Shan an tam thor zong a tha ve ko nain kimchi hi thate in tuah khawh ahcun vawlei pi ah ready market a um ca ah ramchung ramleng nikhat ah zuar khawh a si lai i “Chin Organic Kimchi” ti hna in chuah kahwh ahcun organic cu an duh tuk mi a si. A antam, kawkpi le vawlei a tlak i antam a thawt ahcun Korea hman nih an kan cawk lai dah. Antam kawpi cung ah tampi a thawhnam lai a rel. Ram a har i tirawl a har hmanh ah buh lawng hmanh he ei khawh a si caah tam deuh in ciin khawh le chuah khawh hi a tha i hlawh tampi hmuh khawhnak zong a si.

Pathian pekmi vawlei ro hi ruah ahcun a sunglawi taktak. Vawlei nih a ngeimi thingkung ram kung kan hau, saram kan thah hna, vawlei kha kan duh paoh in kan tuah kan duh ah kan zung kan ek, kan hrawh zei kan rel lo nain Pathian nih vawlei tha cu thlua a chuah i, vawlei in thil phun za kip a chuah, tithiang a chuah, zinan a chuah, sui a chuah, lung mang sung an chuah, innlo saknak le lam phaknak lung an chuah, mangsung lungvar an chuah, thingthei thawthaw an chuah, an hnah le ei ding phunphun an chuah. Laimi cu kan vawlei kan daw lo thingkung ram kung kan hau, ram sa kan kah dih hna, nga kan tlaih dih…thingkung ram kung an dih, tiva an ro, va le saram an pem, vawlei a rawk, lam le inn an ciim, tlang a ciim…Pathian pekmi vawlei le ro hi thate in zoh khenh bu in khuate pengtlang thangchonak hi a lam phunphun in kawl lengmang in kan vawlei hi dawt cang ding a si.