We are One - timi Lungput Chinmi nih ngeih kan hau.

 Covid pulrai ruang ah vawlei cung ram tampi cu mah ram ca lawng i ruat le mah ram lawng a tha bik timi *jingoism” timi lung put an ngei i Covid dih in vawlei ram tampi i thentheknak, phun tanhnak lungthin (nationalism) le buainak tampi a chuak te lai. Vawlei cung ram pawl lawng hmanh siloin mah le ram chung cio zong ah lung i khat lonak le i thentheknak le buainak tampi a chuak ko. Atu bantuk in Covid pulrai a donh colh lo ahcun Lockdown a tam lai, thinhunnak a santer lai, lungretheihnak a karhter lai.

 

Ruah than caan a cu…Time now to reflect

Lung i rual caan..i rup caan a cu…

I Komh caan..i fonh caan.. pull together

Value what is important

A biapimi lawng man ngeihter

Kan vawleipi le kan ram sining zoh ah

We are one….Pakhat kan si.. timi lungput a hau cang.

 

 

Phaisa le eidin a har chinchin lai, mirum an rum chinchin lai, sifak an si a fak chinchin lai, mirum le sifah kar i dannak a ngan chinchin lai.

Ram kip nih doh ding ral pa 3 an ngeih lio ah kannih cu pa 4 maw pa 5 maw tampi doh ding kan ngei lai. 

Pakhatnak ah Vawlei cung ram kip nih …i hrawmmi Ral—Virus rungrul doh cio a si lai. (Alpha, Beta, Gamma, Delta, Lamdba, Eta, Iota, Kappa cu a chuah cang i Omega tiang maw doh a herh te hnga)

Pahnihnak ah ramkhelnak le khuaram ramkhelnak (political and geopolitical)…politics can turn into toxic an ti i ramkhel hi sivai a si kho cio..

Pathumnak ah sipuazi..pawcawmnak le rian- economic hi ramkip nih doh cio a si lai nain kannih Kawlram ahcun

Hramhram ralkap uknak doh a hau lai, democracy le federal ram caah, miphun covo caah, mahte khuakhan lairel khawhnak, biaknak zalonnak, fimcawnnak - education a sangnak ding ah, ngandam zohkhenhnak a felfainak caah…khuaram ti le mei, lam le sul a thatnak caah tibantuk in tial ahcun a tam tuk lai caah kan doh ding kan rak a tam…kan thazaang a tlawm ahcun tlaknak a fawi caah atu lio ah kan zapi caah man a ngeimi le kan zapi nih i hrawmh khawhmi hmuitinh lam panh in lungrualnak le i komh i fonh i fungtom in kan ral teinak ah “we are one” timi lungput ngeih hmasa kan hau…

 

“The toughest battle you’ll ever fight in your life is the battle within yourself.” — Anonymous

 

Kan ral ngan bik kan doh hlan ah, kan nun ah pakhatnak le a har bik kan do ding kan ral cu kan chung lila i a ummi kan ral kha doh hmasa a hau. 

Change your mind, change your life to win a battle kan ti lai maw Ral tei ding ah kan ruahnak le kan nun thlen a hau. 

 

Vawlei cung i teinak a hmu peng mi le best fighter pawl hi a thawng bik le a thiam bik an si hlei lem lo nain an thinlung put an morale a thawng. 

Mindset matters.

Kan ruahnak le kan zumhnak kan belief le kan pomning hi a biapi. Kan zumhnak in kan ral kan tei hmasa a hau. Cu hnu ah lungthawhnak - motivation te hna a chuahter khawh.

 

Avoi 30nak US President a rak si mi politican le lawyer pa nih a rak chimmi biaroling cu

Teinak hmuh khawhnak ding ah cun “persistence” timi teimakte in tuan pengnak a si i zeihmanh nih hi vawlei ah a thlen kho lo a rak ti. Talent- pahrang zong nih a ti: pahrang a ngei i hlawhtlinnak a ngei lo mi an tampi, Genius- fim khun- mifim zong: laksawng hmu bello an tam; fimthiamnak- education: vawlei cung cu hman awk a tha lo mi mifim in an khat.  Persistence timi teimakte in tuan pengnak le determination timi fekte in bia i chahnak hi zeizong vialte a tuah khotu an si a ti. 

 

A caan ahcun zuamnak le lungdongh lo hi a biapi. Thomas Edison nih meibop (lightbulb) a rak ser lio ah reporter pa nih "voi 1000 na tloh - na hlawh a tling lo in zeitindah na feel - na lungchung ah na ruah tiah a hal? 

Meibop sernak ah step 1000 a hau tiah a let men. Ka hlawh tling lo ti a ruat lo i hi meibop sernak ah voi 1000 tuah hmasa a hau ti tu in teimakte in tuan pengnak le fekte in bia khiahnak a ngei. Cu caah zei kan ton paoh ah “we are one” timi lungput in lungsau in teimakte in kan doh peng ahcun teinak cu a hla ti lo.